Al vûl dî “origjinari di Morsan". Stant che chest cognon al è presint massime te zone di Tisane (cuntune ponte a Perteade) e in chê di Puart (Castellarin, 1990) al è probabil che al sedi Morsan da lis Ocjis (Morsàn des ôcjis) invezit che Morsan di Strade. Morsanuto si lu cjate a Puart, Roncjis, San Stin. La variante Morsanutto e je presinte a Aprilie (Tisane), Bevaçane diestre e çampe, Sisarûl, Tisane, Lignan, Ligugnane (Puart), Perteade, Puart, San Michêl. Tal 1712 Valentino di Mattia Mattiussi q. Valent. q. Mattia da Castions di Strada sposa Lucia Morsanute vedova di Sebast. di Bros (o d’Ambrosio) – (Filze).